ذرا سی مشق کرے بے ضمیر بن جائے

ذرا سی مشق کرے بے ضمیر بن جائے

تو کیا عجب ہے کہ انساں وزیر بن جائے

جو کام چور ہو بچے کرائے پر لے لے

انہیں صدائیں سکھا لے فقیر بن جائے

جوان رند جو ہو روزگار سے محروم

مرید مجمع کرے اور پیر بن جائے

کچھ اشتہار ہوں کچھ پگڑیاں اچھالنے کو

یہ خاکسار بھی پھر تو مدیر بن جائے

وہ بدگماں ہیں ولایت کی لڑکیوں سے بہت

ہے ڈر انہیں کہ نہ شوہر سفیر بن جائے

zara si mashq kare be zamir ban jae

to kya ajab hai ke insan wazir ban jae

jo kam chur ho bachche karae par le le

unhen sadaen sikha le faqir ban jae

jawan rind jo ho rozgar se mahrum

murid majmaa kare aur pir ban jae

kuchh ishtihar hun kuchh pagriyan uchhalne ko

ye khaksar bhi phir to mudir ban jae

wo badguman hain wilayat ki larkiyon se bahut

hai dar unhen ke na shauhar safir ban jae