آواز غیب

آتی ہے دمِ صبح صدا عرشِ بریں سے

کھویا گیا کس طرح ترا جوہرِ ادراک!

کس طرح ہُوا کُند ترا نشترِ تحقیق

ہوتے نہیں کیوں تجھ سے ستاروںکے جگر چاک

تُو ظاہر و باطن کی خلافت کا سزاوار

کیا شُعلہ بھی ہوتا ہے غلامِ خس و خاشاک

مِہر و مہ و انجم نہیں محکوم ترے کیوں

کیوں تیری نگاہوں سے لرزتے نہیں افلاک

اب تک ہے رواں گرچہ لہُو تیری رگوں میں

نے گرمیِ افکار، نہ اندیشۂ بے باک

روشن تو وہ ہوتی ہے، جہاں بیں نہیں ہوتی

جس آنکھ کے پردوں میں نہیں ہے نگَہِ پاک

باقی نہ رہی تیری وہ آئینہ ضمیری

اے کُشتۂ سُلطانی و مُلّائی و پیری!

ati hai dam-e-subh sada arsh-e-barin se

khoya gaya kis tarah tira jauhar-e-idrak!

kis tarah hua kund tira nashtar-e-tahqiq

hote nahin kyun tujh se sitaronke jigar-e-chak

tu zahir-o-batin ki khilafat ka sazawar

kya shola bhi hota hai ghulam-e-khas-o-khashak

mehr-o-mah-o-anjum nahin mahkum tire kyun

kyun teri nigahon se larazte nahin aflak

ab tak hai rawan garche lahu teri ragon mein

ne garmi-e-afkar, na andesha-e-be bak

raushan to wo hoti hai, jahan bin nahin hoti

jis ankh ke pardon mein nahin hai nigah-e-pak

baqi na rahi teri wo aina zamiri

ai kushta-e-sultani-o-mullai-o-piri!