آنکھیں مجھے تلووں سے وہ ملنے نہیں دیتے

آنکھیں مجھے تلووں سے وہ ملنے نہیں دیتے

ارمان مرے دل کے نکلنے نہیں دیتے

خاطر سے تری یاد کو ٹلنے نہیں دیتے

سچ ہے کہ ہمیں دل کو سنبھلنے نہیں دیتے

کس ناز سے کہتے ہیں وہ جھنجھلا کے شب وصل

تم تو ہمیں کروٹ بھی بدلنے نہیں دیتے

پروانوں نے فانوس کو دیکھا تو یہ بولے

کیوں ہم کو جلاتے ہو کہ جلنے نہیں دیتے

حیران ہوں کس طرح کروں عرض تمنا

دشمن کو تو پہلو سے وہ ٹلنے نہیں دیتے

دل وہ ہے کہ فریاد سے لبریز ہے ہر وقت

ہم وہ ہیں کہ کچھ منہ سے نکلنے نہیں دیتے

گرمئ محبت میں وہ ہیں آہ سے مانع

پنکھا نفس سرد کا جھلنے نہیں دیتے

ankhen mujhe talwon se wo milne nahin dete

arman mire dil ke nikalne nahin dete

khatir se tiri yad ko talne nahin dete

sach hai ke hamen dil ko sambhalne nahin dete

kis naz se kahte hain wo jhanjhla ke shab-e-wasl

tum to hamen karwat bhi badalne nahin dete

parwanon ne fanus ko dekha to ye bole

kyun ham ko jalate ho ke jalne nahin dete

hairan hun kis tarah karun arz-e-tamanna

dushman ko to pahlu se wo talne nahin dete

dil wo hai ke fariyad se labrez hai har waqt

ham wo hain ke kuchh munh se nikalne nahin dete

garmi-e-mohabbat mein wo hain ah se mane

pankha nafas-e-sard ka jhalne nahin dete