دیکھے بلبل جو یار کی صورت

دیکھے بلبل جو یار کی صورت

پھر نہ دیکھے بہار کی صورت

برق دیکھی ہو جس نے سو جانے

مجھ دل بے قرار کی صورت

دل ترستا ہے دیکھنے کو مرا

خنجر آب دار کی صورت

جو کوئی دیکھتا ہے روتا ہے

مجھ دل داغ دار کی صورت

وہی سوداؔ کے دل کی سمجھیں قدر

دیکھیں جو لالہ زار کی صورت

dekhe bulbul jo yar ki surat

phir na dekhe bahar ki surat

barq dekhi ho jis ne so jane

mujh dil-e-be qarar ki surat

dil tarasta hai dekhne ko mira

khanjar-e-ab dar ki surat

jo koi dekhta hai rota hai

mujh dil-e-dagh dar ki surat

wahi sauda ke dil ki samjhen qadar

dekhen jo lala zar ki surat