دیں شیخ و برہمن نے کیا یار فراموش

دیں شیخ و برہمن نے کیا یار فراموش

یہ سبحہ فراموش وہ زنار فراموش

دیکھا جو حرم کو تو نہیں دیر کی وسعت

اس گھر کی فضا کر گیا معمار فراموش

بھولے نہ مرے دل سے مرا مصرع جانکاہ

نالہ نہ کرے مرغ گرفتار فراموش

دل سے نہ گئی آہ ہوس سیر چمن کی

اور ہم نے کیا رخنۂ دیوار فراموش

یا نالہ ہی کر منع تو یا گریہ کو ناصح

دو چیز نہ عاشق سے ہو یک بار فراموش

بھولا پھروں ہوں آپ کو اک عمر ہے لیکن

تجھ کو نہ کیا دل سے میں زنہار فراموش

دل درد سے کس طرح مرا خالی ہو سوداؔ

وہ ناشنو حرف میں گفتار فراموش

den shaikh-o-barahman ne kiya yar faramosh

ye subha faramosh wo zunnar faramosh

dekha jo haram ko to nahin der ki wusat

is ghar ki faza kar gaya memar faramosh

bhule na mire dil se mira misra jankah

nala na kare murgh-e-giraftar faramosh

dil se na gai ah hawas sair-e-chaman ki

aur ham ne kiya rakhna-e-diwar faramosh

ya nala hi kar mana to ya girya ko naseh

do chiz na ashiq se ho yak bar faramosh

bhula phirun hun ap ko ik umr hai lekin

tujh ko na kiya dil se main zinhar faramosh

dil-e-dard se kis tarah mira khali ho sauda

wo nashunau harf mein guftar faramosh