دین و ہنر

سرود و شعر و سیاست، کتاب و دِین و ہُنر

گُہر ہیں ان کی گِرہ میں تمام یک دانہ

ضمیرِ بندۂ خاکی سے ہے نمود ان کی

بلند تر ہے ستاروں سے ان کا کاشانہ

اگر خودی کی حفاظت کریں تو عینِ حیات

نہ کر سکیں تو سراپا فسُون و افسانہ

ہُوئی ہے زیرِ فلک اُمتوں کی رُسوائی

خودی سے جب اَدب و دِیں ہُوئے ہیں بیگانہ

surud-o-sher-o-siyasat, kitab-o-din-o-hunar

guhar hain un ki girah mein tamam yak dana

zamir-e-banda-e-khaki se hai numud un ki

buland tar hai sitaron se un ka kashana

agar khudi ki hifazat karen to ain-e-hayat

na kar saken to sarapa fusun-o-afsana

hui hai zer-e-falak ummaton ki ruswai

khudi se jab adab-o-din hue hain begana