آغا حشر کاشمیری

بزم عالم میں وہ کیفیات رنگ و بو نہیں

رونق ایوان گیتی آج شاید تو نہیں

آہ کیا تو پر سکوں ہے قبر کی آغوش میں

چین کیونکر آ گیا اس محشر خاموش میں

سرمدی نغمات سے اب دل کو تڑپائے گا کون

اب ستارے آسماں سے توڑ کر لائے گا کون

مجلسی لعنت پر اب تنقید فرمائے گا کون

اور اسے رنگین پیرائے میں سمجھائے گا کون

آہ اب کس سے سنیں گے آتشیں نغمات ہم

آہ اب کس سے کہیں گے اپنے احساسات ہم

ہند کی دوشیزہ دیوی کو دیا سادہ لباس

تیرے ہی پر کیف نغموں نے بجھائی دل کی پیاس

مغربی تہذیب میں ڈوبا ہوا تھا ہر جواں

مشرقی اطوار سے بیزار تھا ہندوستاں

تو نے اپنے دل کی چنگاری سے بھڑکائی وہ آگ

نغمۂ مشرق سے دب کر رہ گیا مغرب کا راگ

ساز تیرا آتشیں آواز طوفانی تری

حشر تک یاد آئے گی وہ حشر سامانی تری

bazm-e-alam mein wo kaifiyat rang-o-bu nahin

raunaq-e-aiwan-e-giti aj shayad to nahin

ah kya to pur sakun hai qabr ki aghosh mein

chain kyunkar a gaya is mahshar-e-khamosh mein

sarmadi naghmat se ab dil ko tarpae ga kaun

ab sitare asman se tor kar laega kaun

majlisi laanat par ab tanqid farmaega kaun

aur use rangin pairae mein samjhaega kaun

ah ab kis se sunenge atishin naghmat ham

ah ab kis se kahenge apne ehsasat ham

hind ki doshiza dewi ko diya sada libas

tere hi pur kaif naghmon ne bujhai dil ki pyas

maghribi tahzib mein duba hua tha har jawan

mashriqi atwar se bezar tha hindostan

tu ne apne dil ki chingari se bhirkai wo ag

naghma-e-mashriq se dab kar rah gaya maghrib ka rag

saz tera atishin awaz tufani tiri

hashr tak yad aegi wo hashr samani tiri