دور سے باغ جہاں دکھلا کے دیوانہ کیا

دور سے باغ جہاں دکھلا کے دیوانہ کیا

متصل جانے نہ پایا میں کہ ویرانہ کیا

دیکھتے ہی مے کو ساغر کا نہ کھینچا انتظار

مارے جلدی کے میں اپنا ہاتھ پیمانہ کیا

طرفہ تر یہ ہے کہ اپنا بھی نہ جانا اور یوں ہی

اپنا اپنا کہہ کے مجھ کو سب سے بیگانہ کیا

کچھ بہک کر بات گر بولوں تو ہوں معذور میں

مجھ کو ہستی نے تری آنکھوں کی مستانہ کیا

بے وفائی نے یہ کس کی تجھ کو سمجھایا حسنؔ

ان دنوں کیوں تو نے کم اس طرف جانا کیا

dur se bagh-e-jahan dikhla ke diwana kya

muttasil jane na paya mein ke wirana kiya

dekhte hi mai ko saghar ka na khincha intizar

mare jaldi ke main apna hath paimana kiya

turfa tar ye hai ke apna bhi na jana aur yun hi

apna apna kah ke mujh ko sab se begana kiya

kuchh bahak kar bat gar bolun to hun maazur mein

mujh ko hasti ne tiri ankhon ki mastana kiya

be wafai ne ye kis ki tujh ko samjhaya husn

in dinon kyun tu ne kam is taraf jana kya