دوستارے

آئے جو قِراں میں دو ستارے

کہنے لگا ایک، دوسرے سے

یہ وصل مدام ہو تو کیا خوب

انجامِ خرام ہو تو کیا خوب

تھوڑا سا جو مہرباں فلک ہو

ہم دونوں کی ایک ہی چمک ہو

لیکن یہ وصال کی تمنّا

پیغامِ فراق تھی سراپا

گردش تاروں کا ہے مقدّر

ہر ایک کی راہ ہے مقرّر

ہے خواب ثباتِ آشنائی

آئین جہاں کا ہے جُدائی

ae jo qiran mein do sitare

kahne laga ek, dusre se

ye wasl mudam ho to kya khub

anjam-e-khiram ho to kya khub

thora sa jo mehrban falak ho

ham donon ki ek hi chamak ho

lekin ye wisal ki tamanna

paigham-e-firaq thi sarapa

gardish taron ka hai muqaddar

har ek ki rah hai muqarrar

hai khwab sabat-e-ashnai

ain-e-jahan ka hai judai