دعا (احمق پھپھوندوی)

یا خدا ہم کو آدمیت دے

ملک اور قوم کی محبت دے

کر عطا اس قدر تمیز ہمیں

کہ ہو اپنا وطن عزیز ہمیں

اس کی خدمت کو فخر جانیں ہم

اس کی ہر بات دل سے مانیں ہم

پھوٹ اور افتراق کھو دیں ہم

پاپ کی ناؤ کو ڈبو دیں ہم

حسد و کینہ و خصومت و شر

کر دیں ان میں سے سب کو ملک بدر

ایک ہو جائیں سب خواص و عوام

نہ رہے غیریت کا ملک ہیں نام

صلح و امن اماں ہو چار طرف

عافیت حکمراں ہو چار طرف

اتحاد عمل سے ہوں سب کام

کوئی دانا رہے نہ بندۂ دام

ملک ہو غیر کے اثر سے پاک

خرمن جور و معصیت ہو خاک

ہو یہ ویرانہ غیرت گل زار

پھر سے آئے وطن میں تازہ بہار

پٹا اترے گلے سے لعنت کا

ختم ہو دور فقر و ذلت کا

ya khuda ham ko admiyyat de

mulk aur qaum ki mohabbat de

kar ata is qadar tamiz hamen

ke ho apna watan aziz hamen

us ki khidmat ko fakhr janen ham

us ki har bat dil se manen ham

phut aur iftiraq kho den ham

pap ki nao ko dubo den ham

hasad-o-kina-o-khusumat-o-shar

kar den un mein se sab ko mulk badar

ek ho jaen sab khawas-o-awam

na rahe ghairiyyat ka mulk hain nam

sulh-o-amn-e-aman ho char taraf

afiyat hukmaran ho char taraf

ittihad-e-amal se hun sab kam

koi dana rahe na banda-e-dam

mulk ho ghair ke asar se pak

khirman-e-jaur-o-maasiyat ho khak

ho ye wirana ghairat-e-gul zar

phir se ae watan mein taza bahar

pita utre gale se laanat ka

khatm ho dur faqr-o-zillat ka