دعوت انقلاب

کیا لے گا خاک مردہ و افتادہ بن کے تو

طوفان بن کہ ہے تری فطرت میں انقلاب

کیوں ٹمٹمائے کرمک شب تاب کی طرح

بن سکتا ہے تو اوج فلک پر اگر شہاب

وہ خاک ہو کہ جس میں ملیں ریزہ ہائے زر

وہ سنگ بن کہ جس سے نکلتے ہیں لعل ناب

چڑیوں کی طرح دانے پہ گرتا ہے کس لیے

پرواز رکھ بلند کہ تو بن سکے عقاب

وہ چشمہ بن کہ جس سے ہوں سرسبز کھیتیاں

رہ رو کو تو فریب نہ دے صورت سراب

kya lega khak murda-o-uftada ban ke to

tufan ban ke hai tiri fitrat mein inqilab

kyun timtimae kirmk-e-shab tab ki tarah

ban sakta hai to auj-e-falak par agar shahab

wo khak ho ke jis mein milen reza ha-e-zar

wo sang ban ke jis se nikalte hain laal-e-nab

chiriyon ki tarah dane pe girta hai kis liye

parwaz rakh buland ke tu ban sake uqab

wo chashma ban ke jis se hun sarsabz khetiyan

rah ro ko to fareb na de surat-e-sarab