دس عقل دس مقولے دس مدرکات تیسوں

دس عقل دس مقولے دس مدرکات تیسوں

تیرے ہی ذکر میں ہیں اے پاک ذات تیسوں

نو آسماں خور و مہ ساتوں طبق زمیں کے

روح و حواس خمسہ اور شش جہات تیسوں

بارہ بروج چودہ معصوم چار عنصر

ظاہر کریں ہیں تیری لاکھوں صفات تیسوں

سی پارہائے دل کو رکھیو محافظت سے

اے میری جاں ہیں تیری حفظ حیات تیسوں

ماہ گزشتہ کا حال انشاؔ کہوں سو کیوں کر

مر مر بسر کئے ہیں دن اور رات تیسوں

das aql das maqule das mudrikat tison

tere hi zikr mein hain ai pak zat tison

nau asman khur-o-mah saton tabaq zamin ke

ruh-o-hawas-e-khamsa aur shash jihat-e-tison

bara buruj chauda maasum char unsar

zahir karen hain teri lakhon sifat-e-tison

si parhae dil ko rakhiyo muhafazat se

ai meri jan hain teri hifz-e-hayat tison

mah guzishta ka hal insha kahun so kyun kar

mar mar basar kiye hain din aur rat tison