دریا میں ڈوب جاوے کہ یا چاہ میں پڑے

دریا میں ڈوب جاوے کہ یا چاہ میں پڑے

اے عشق پر نہ کوئی تری راہ میں پڑے

مت پوچھ جور غم سے دل ناتواں کا حال

بجلی تو دیکھی ہوگی کبھی کاہ میں پڑے

اک دم بھی دیکھ سکتا نہیں ہم کو اس کے پاس

خاک اس فلک کے دیدۂ بد خواہ میں پڑے

جو دوستی کے نام سے رکھتا ہو دشمنی

آ جا کہیں شتاب کہ مانند نقش پا

تکتے ہیں راہ تیری سر راہ میں پڑے

جلوے دو چند ہوویں شب ماہ کے ابھی

اس ماہرو کا عکس اگر ماہ میں پڑے

سلگے ہے نیم سوختہ جیسے دھوئیں کے ساتھ

جلتے ہیں یوں ہم اپنی حسنؔ آہ میں پڑے

dariya mein dub jawe ke ya chah mein pare

ai ishq par na koi tiri rah mein pare

mat puchh jaur-e-gham se dil-e-natawan ka hal

bijli to dekhi hogi kabhi kah mein pare

ik dam bhi dekh sakta nahin ham ko us ke pas

khak is falak ke dida-e-bad khwah mein pare

jo dosti ke nam se rakhta ho dushmani

a ja kahin shitab ke manind-e-naqsh-e-pa

takte hain rah teri sar-e-rah mein pare

jalwe do chand howen shab-e-mah ke abhi

is mahru ka aks agar mah mein pare

sulge hai nim sokhta jaise dhuen ke sath

jalte hain yun ham apni husn ah mein pare