درد مندوں سے نہ پوچھو کہ کدھر بیٹھ گئے

درد مندوں سے نہ پوچھو کہ کدھر بیٹھ گئے

تیری مجلس میں غنیمت ہے جدھر بیٹھ گئے

ہے غرض دید سے یاں کام تکلف سے نہیں

خواہ ادھر بیٹھ گئے خواہ ادھر بیٹھ گئے

دیکھا ہووے گا مرے اشک کا طوفاں تم نے

لاکھ دیوار گرے سینکڑوں گھر بیٹھ گئے

کس نظر ناز نے اس باز کو بخشی پرواز

سینکڑوں مرغ ہوا پھاند کے پر بیٹھ گئے

کم ہے آواز ترے کوچہ کے باشندوں کی

نالہ کرنے سے گلے ان کے مگر بیٹھ گئے

مفت اٹھنے کے نہیں یار کے کوچہ سے فقیرؔ

جب کہ بستر کو جما کھول کمر بیٹھ گئے

dard mandon se na puchho ke kidhar baith gae

teri majlis mein ghanimat hai jidhar baith gae

hai gharaz did se yan kam takalluf se nahin

khwah idhar baith gae khwah idhar baith gae

dekha howe ga mire ashk ka tufan tum ne

lakh diwar gire sainkron ghar baith gae

kis nazar naz ne is baz ko bakhshi parwaz

sainkron murgh hua phand ke par baith gae

kam hai awaz tire kucha ke bashindon ki

nala karne se gale un ke magar baith gae

muft uthne ke nahin yar ke kucha se faqir

jab ke bistar ko jama khol kamar baith gae