خوب ہی چلتی ہوئی وہ نرگس مستانہ ہے

خوب ہی چلتی ہوئی وہ نرگس مستانہ ہے

آشنا سے آشنا بیگانے سے بیگانہ ہے

آتے جاتے ہیں نئے ہر روز مرغ نامہ بر

بندہ پرور آپ کا گھر بھی کبوتر خانہ ہے

فاتحہ پڑھنے کو آیا تھا مگر وہ شمع رو

آج میری قبر کا جو پھول ہے پروانہ ہے

پائے ساقی پر گرایا جب گرایا ہے مجھے

چال سے خالی کہاں یہ لغزش مستانہ ہے

مجھ کو لے جا کر کہا ناصح نے ان کے روبرو

آپ کے سر کی قسم یہ آپ کا دیوانہ ہے

داغؔ یہ ہے کوئے قاتل مان ناداں ضد نہ کر

اٹھ یہاں سے آ ادھر گھر بیٹھ کچھ دیوانہ ہے

khub hi chalti hui wo nargis-e-mastana hai

ashna se ashna begane se begana hai

ate jate hain nae har roz-e-murgh-e-nama bar

banda parwar ap ka ghar bhi kabutar khana hai

fatiha parhne ko aya tha magar wo shama ro

aj meri qabr ka jo phul hai parwana hai

pae saqi par giraya jab giraya hai mujhe

chal se khali kahan ye laghzish-e-mastana hai

mujh ko le ja kar kaha naseh ne un ke rubaru

ap ke sar ki qasam ye ap ka diwana hai

dagh ye hai ku-e-qatil man nadan zid na kar

uth yahan se a idhar ghar baith kuchh diwana hai