خوب رویوں سے یاریاں نہ گئیں

خوب رویوں سے یاریاں نہ گئیں

دل کی بے اختیاریاں نہ گئیں

عقل صبرآشنا سے کچھ نہ ہوا

شوق کی بے قراریاں نہ گئیں

دن کی صحرا نوردیاں نہ چھٹیں

شب کی اختر شماریاں نہ گئیں

ہوش یاں سد راہ علم رہا

عقل کی ہرزہکاریاں نہ گئیں

تھے جو ہمرنگ ناز ان کے ستم

دل کی امیدواریاں نہ گئیں

حسن جب تک رہا نظارہ فروش

صبر کی شرمساریاں نہ گئیں

طرز مومنؔ میں مرحبا حسرتؔ

تیری رنگیں نگاریاں نہ گئیں

khub rawiyon se yariyan na gain

dil ki be ikhtiyariyan na gain

aql sabrashna se kuchh na hua

shauq ki be qarariyan na gain

din ki sahra nawardiyan na chhuten

shab ki akhtar shumariyan na gain

hosh yan sadd-e-rah ilm raha

aql ki harzakariyan na gain

the jo hamrang-e-naz un ke sitam

dil ki umidwariyan na gain

husn jab tak raha nazara farosh

sabr ki sharmsariyan na gain

tarz momin mein marhaba hasrat

teri rangin nigariyan na gain