خواہ کر انصاف ظالم خواہ کر بیداد تو

خواہ کر انصاف ظالم خواہ کر بیداد تو

پر جو فریادی ہیں ان کی سن تو لے فریاد تو

دم بدم بھرتے ہیں ہم تیری ہوا خواہی کا دم

کر نہ بد خوؤں کے کہنے سے ہمیں برباد تو

کیا گنہ کیا جرم کیا تقصیر میری کیا خطا

بن گیا جو اس طرح حق میں مرے جلاد تو

قید سے تیری کہاں جائیں گے ہم بے بال و پر

کیوں قفس میں تنگ کرتا ہے ہمیں صیاد تو

دل کو دل سے راہ ہے تو جس طرح سے ہم تجھے

یاد کرتے ہیں کرے یوں ہی ہمیں بھی یاد تو

دل ترا فولاد ہو تو آپ ہو آئینہ وار

صاف یک باری سنے میری اگر روداد تو

شاد و خرم ایک عالم کو کیا اس نے ظفرؔ

پر سبب کیا ہے کہ ہے رنجیدہ و ناشاد تو

khwah kar insaf zalim khwah kar bedad to

par jo fariyadi hain un ki sun to le fariyad to

dam badam bharte hain ham teri hua khwahi ka dam

kar na bad khuon ke kahne se hamen barbad to

kya gunah kya jurm kya taqsir meri kya khata

ban gaya jo is tarah haq mein mire jallad to

qaid se teri kahan jaenge ham be bal-o-par

kyun qafas mein tang karta hai hamen sayyad to

dil ko dil se rah hai to jis tarah se ham tujhe

yad karte hain kare yun hi hamen bhi yad to

dil tira faulad ho to ap ho aina war

saf yak bari sune meri agar rudad to

shad-o-khurram ek alam ko kiya us ne zafar

par sabab kya hai ke hai ranjida-o-nashad to