حقیقت سے زباں آگاہ کر لے

حقیقت سے زباں آگاہ کر لے

یہ اسم اللہ بسم اللہ کر لے

دھن سے دور کر قفل دوئی کو

زباں مفتاح الا اللہ کر لے

کدورت دل سے کھو لہو و لعب کی

سعادت سے صفا ہے راہ کر لے

مبارک باد عیش و جاہ و دولت

حظوظ عمر خاطر خواہ کر لے

کہاں فرصت زمان کشمکش میں

مناسب ہے ابھی کچھ راہ کر لے

جسے دیکھا نہ دیکھ اس کو کبھی تو

نہ دیکھا جس کو اس کی چاہ کر لے

سخا ہمت مروت ہیں ترے پاس

کوئی ہم راہ تو ہم راہ کر لے

بھلاوا ہے طلسم زندگانی

وداع حب عضو جاہ کر لے

نسیم دہلویؔ یہ آرزو ہے

کہیں اپنا مجھے اللہ کر لے

haqiqat se zaban agah kar le

ye ism allah bisam allah kar le

dhun se dur kar qufl-e-dui ko

zaban miftah illa allah kar le

kudurat dil se kho lahu-o-laab ki

saadat se safa hai rah kar le

mubarak bad-e-aish-o-jah-o-daulat

hazoz umr-e-khatir khwah kar le

kahan fursat zaman-e-kashmakash mein

munasib hai abhi kuchh rah kar le

jise dekha na dekh us ko kabhi to

na dekha jis ko us ki chah kar le

sakha himmat murawwat hain tire pas

koi ham rah to ham rah kar le

bhulawa hai tilism-e-zindagani

wida-e-hub uzw jah kar le

nasim duhulwi ye arzu hai

kahin apna mujhe allah kar le