حیا سے سر جھکا لینا ادا سے مسکرا دینا

حیا سے سر جھکا لینا ادا سے مسکرا دینا

حسینوں کو بھی کتنا سہل ہے بجلی گرا دینا

یہ طرز احسان کرنے کا تمہیں کو زیب دیتا ہے

مرض میں مبتلا کر کے مریضوں کو دوا دینا

بلائیں لیتے ہیں ان کی ہم ان پر جان دیتے ہیں

یہ سودا دید کے قابل ہے کیا لینا ہے کیا دینا

خدا کی یاد میں محویت دل بادشاہی ہے

مگر آساں نہیں ہے ساری دنیا کو بھلا دینا

haya se sar jhuka lena ada se muskura dena

hasinon ko bhi kitna sahl hai bijli gira dena

ye tarz-e-ehsan karne ka tumhen ko zeb deta hai

maraz mein mubtala kar ke marizon ko dawa dena

balaen lete hain un ki ham un par jan dete hain

ye sauda did ke qabil hai kya lena hai kya dena

khuda ki yad mein mahwiyyat-e-dil badshahi hai

magar asan nahin hai sari duniya ko bhula dena