آصف الدولہ کا امام باڑہ لکھنؤ

آصف الدولۂ مرحوم کی تعمیر کہن

جس کی صنعت کا نہیں صفحۂ ہستی پہ جواب

دیکھ سیاح اسے رات کے سناٹے میں

منہ سے اپنے مہ کامل نے جب الٹی ہو نقاب

در و دیوار نظر آتے ہیں کیا صاف و سبک

سحر کرتی ہے نگاہوں پہ ضیائے مہتاب

یہی ہوتا ہے گماں خاک سے مس اس کو نہیں

ہے سنبھالے ہوئے دامن میں ہوائے شاداب

یک بہ یک دیدۂ حیراں کو یہ شک ہوتا ہے

ڈھل کے سانچے میں زمیں پر اتر آیا ہے سحاب

بے خودی کہتی ہے آیا یہ فضا میں کیوں کر

کسی استاد مصور کا ہے یہ جلوۂ خواب

اک عجب منظر دلگیر نظر آتا ہے

دور سے عالم تصویر نظر آتا ہے

asaf alddaula-e-marhum ki taamir-e-kuhan

jis ki sanat ka nahin safha-e-hasti pe jawab

dekh sayyah use rat ke sannate mein

munh se apne mah-e-kamil ne jab ulti ho naqab

dar-o-diwar nazar ate hain kya saf-o-subuk

sehr karti hai nigahon pe ziya-e-mahtab

yahi hota hai guman khak se mis us ko nahin

hai sambhale hue daman mein hawa-e-shadab

yak ba yak dida-e-hairan ko ye shak hota hai

dhal ke sanche mein zamin par utar aya hai sahab

be khudi kahti hai aya ye faza mein kyun kar

kisi ustad musawwir ka hai ye jalwa-e-khwab

ik ajab manzar-e-dilgir nazar ata hai

dur se alam-e-taswir nazar ata hai