خوشحال خاں کی وصیت

قبائل ہوں ملّت کی وحدت میں گُم

کہ ہو نام افغانیوں کا بلند

محبّت مجھے اُن جوانوں سے ہے

ستاروں پہ جو ڈالتے ہیں کمند

مغل سے کسی طرح کمتر نہیں

قہستاں کا یہ بّچۂ ارجمند

کہوں تجھ سے اے ہم نشیں دل کی بات

وہ مدفن ہے خوشحال خاں کو پسند

اُڑا کر نہ لائے جہاں بادِ کوہ

مُغل شہسواروں کی گردِ سمند!

qabail hun millat ki wahdat mein gum

ke ho nam afghaniyon ka buland

mohabbat mujhe un jawanon se hai

sitaron pe jo dalte hain kamand

mughal se kisi tarah kamtar nahin

qahsatan ka ye bachcha-e-arjmand

kahun tujh se ai ham nashin dil ki bat

wo madfan hai khushhal khan ko pasand

ura kar na lae jahan bad-e-koh

mughal shahsawaron ki gard-e-samand!