آزاد کی رگ سخت ہے مانندِ رگِ سنگ

آزاد کی رگ سخت ہے مانندِ رگِ سنگ

محکوم کی رگ نرم ہے مانندِ رگِ تاک

محکوم کا دل مُردہ و افسردہ و نومید

آزاد کا دل زندہ و پُرسوز و طرب ناک

آزاد کی دولت دلِ روشن، نفسِ گرم

محکوم کا سرمایہ فقط دیدۂ نم ناک

محکوم ہے بیگانۂ اخلاص و مروّت

ہر چند کہ منطق کی دلیلوں میں ہے چالاک

ممکن نہیں محکوم ہو آزاد کا ہمدوش

وہ بندۂ افلاک ہے، یہ خواجۂ افلاک

azad ki rag sakht hai manind-e-rag-e-sang

mahkum ki rag narm hai manind-e-rag-e-tak

mahkum ka dil murda-o-afsurda-o-naumid

azad ka dil zinda-o-pursoz-o-tarab nak

azad ki daulat dil-e-raushan, nafas-e-garm

mahkum ka sarmaya faqat dida-e-nam nak

mahkum hai begana-e-ikhlas-o-murawwat

har chand ke mantiq ki dalilon mein hai chalak

mumkin nahin mahkum ho azad ka hamdosh

wo banda-e-aflak hai, ye khwaja-e-aflak