جھمک دکھاتے ہی اس دل ربا نے لوٹ لیا

جھمک دکھاتے ہی اس دل ربا نے لوٹ لیا

ہمیں تو پہلے ہی اس کی ادا نے لوٹ لیا

نگہ کے ٹھگ کی لگاوٹ نے فن سے کر غافل

ہنسی نے ڈال دی پھانسی دعا نے لوٹ لیا

وفا جفا نے یہ کی جنگ زر گری ہم سے

وفا نے باتوں لگایا جفا نے لوٹ لیا

لٹے ہم اس کی گلی میں تو یوں پکارے لوگ

کہ اک فقیر کو اک بادشا نے لوٹ لیا

ابھی کہیں تو کسی کو نہ اعتبار آوے

کہ ہم کو راہ میں اک آشنا نے لوٹ لیا

ہزاروں قافلے جس شوخ نے کیے غارت

نظیرؔ کو بھی اسی بے وفا نے لوٹ لیا

jhamak dikhate hi is dil ruba ne laut liya

hamen to pahle hi us ki ada ne laut liya

nigah ke thag ki lagawat ne fan se kar ghafil

hansi ne dal di phansi dua ne laut liya

wafa jafa ne ye ki jang zar giri ham se

wafa ne baton lagaya jafa ne laut liya

lute ham us ki gali mein to yun pukare log

ke ik faqir ko ik badsha ne laut liya

abhi kahin to kisi ko na etibar awe

ke ham ko rah mein ik ashna ne laut liya

hazaron qafile jis shokh ne kiye gharat

nazir ko bhi usi be wafa ne laut liya