آزادی شمشیر کے اعلان پر

سوچا بھی ہے اے مردِ مسلماں کبھی تُو نے

کیا چیز ہے فولاد کی شمشیرِ جگردار

اُس بیت کا یہ مصرعِ اوّل ہے کہ جس میں

پوشیدہ چلے آتے ہیں توحید کے اسرار

ہے فکر مجھے مصرعِ ثانی کی زیادہ

اللہ کرے تجھ کو عطا فقر کی تلوار

قبضے میں یہ تلوار بھی آجائے تو مومن

یا خالدِؓ جانباز ہے یا حیدرؓ کرار

socha bhi hai ai mard-e-musalman kabhi tu ne

kya chiz hai faulad ki shamshir-e-jigardar

us bit ka ye misra-e-awwal hai ke jis mein

poshida chale ate hain tauhid ke asrar

hai fikr mujhe misra-e-sani ki ziyada

allah kare tujh ko ata faqr ki talwar

qabze mein ye talwar bhi ajae to momin

ya khalid janbaz hai ya haidar-e-karrar