حاذق الملک نہ کوئی بھی رہا میرے بعد
مجید لاہوریحاذق الملک نہ کوئی بھی رہا میرے بعد
کون دے گا تجھے کھجلی کی دوا میرے بعد
مرغیاں کوفتے مچھلی بھنے تیتر انڈے
کس کے گھر جائے گا سیلاب غذا میرے بعد
فاتحہ خوانی میں احباب اڑائیں گے پلاؤ
اور کریں گے مری بخشش کی دعا میرے بعد
اک یہی چیز ہے جو خیر سے ہے بے راشن
کون کھائے گا کلفٹن کی ہوا میرے بعد
سینکڑوں پلان بنا کر تجھے دوں گا اے دوست
جن کے پڑھنے سے ہو "بہتوں کا بھلا" میرے بعد
اے کہ ہے سیفٹی ریزر ترا ہر ہر غمزہ
اور کس کس پہ کرے گا تو جفا میرے بعد
کل یہ اک اونٹ سے کہتا تھا شتربان مجیدؔ
کون ہوگا ترے غمزوں پہ فدا میرے بعد
haziq almalik na koi bhi raha mere baad
kaun dega tujhe khujli ki dawa mere baad
murghiyan koftai machhli bhune titar ande
kis ke ghar jaega sailab ghiza mere baad
fatiha khwani mein ahbab uraenge pilao
aur karenge miri bakhshish ki dua mere baad
ik yahi chiz hai jo khair se hai be rashan
kaun khaega kalaftan ki hawa mere baad
sainkron pilan bana kar tujhe dunga ai dost
jin ke parhne se ho "bahuton ka bhala" mere baad
ai ke hai sefti rezar tira har har ghamza
aur kis kis pe karega to jafa mere baad
kal ye ik unt se kahta tha shutarban majid
kaun hoga tire ghamzon pe fida mere baad