آزادی افکار

جو دُونیِ فطرت سے نہیں لائقِ پرواز

اُس مُرغکِ بیچارہ کا انجام ہے اُفتاد

ہر سینہ نشیمن نہیں جبریلِ امیں کا

ہر فکر نہیں طائرِ فردوس کا صیّاد

اُس قوم میں ہے شوخیِ اندیشہ خطرناک

جس قوم کے افراد ہوں ہر بند سے آزاد

گو فکرِ خدا داد سے روشن ہے زمانہ

آزادیِ افکار ہے اِبلیس کی ایجاد

jo duni-e-fitrat se nahin laiq-e-parwaz

us murghak-e-bechara ka anjam hai uftad

har sina nasheman nahin jibril-e-amin ka

har fikr nahin tair-e-firdaus ka sayyad

us qaum mein hai shokhi-e-andesha khatarnak

jis qaum ke afrad hun har band se azad

go fikr-e-khuda dad se raushan hai zamana

azadi-e-afkar hai iblis ki ijad