حاصل سے ہاتھ دھو بیٹھ اے آرزو خرامی

حاصل سے ہاتھ دھو بیٹھ اے آرزو خرامی

دل جوش گریہ میں ہے ڈوبی ہوئی اسامی

اس شمع کی طرح سے جس کو کوئی بجھا دے

میں بھی جلے ہوؤں میں ہوں داغ نا تمامی

کرتے ہو شکوہ کس کا تم اور بے وفائی

سر پیٹتے ہیں اپنا ہم اور نیک نامی

صد رنگ گل کترنا در پردہ قتل کرنا

تیغ ادا نہیں ہے پابند بے نیامی

طرف سخن نہیں ہے مجھ سے خدا نہ کردہ

ہے نامہ بر کو اس سے دعوائے ہم کلامی

طاقت فسانۂ باد اندیشہ شعلہ ایجاد

اے غم ہنوز آتش اے دل ہنوز خامی

ہر چند عمر گزری آزردگی میں لیکن

ہے شرح شوق کو بھی جوں شکوہ ناتمامی

ہے یاس میں اسدؔ کو ساقی سے بھی فراغت

دریا سے خشک گزرے مستوں کی تشنہ کامی

hasil se hath dho baith ai arzu khirami

dil josh-e-girya mein hai dubi hui asami

is shama ki tarah se jis ko koi bujha de

main bhi jale huon mein hun dagh-e-na tamami

karte ho shikwa kis ka tum aur be wafai

sar pitte hain apna ham aur nek nami

sad rang-e-gul katarna dar parda qatl karna

tegh-e-ada nahin hai paband-e-be niyami

taraf-e-sukhan nahin hai mujh se khuda na karda

hai nama bar ko us se daawae ham kalami

taqat fasana-e-bad-e-andesha shola ijad

ai gham hanoz atish ai dil hanoz khami

har chand umr guzri azurdagi mein lekin

hai sharh-e-shauq ko bhi jun shikwa natamami

hai yas mein asad ko saqi se bhi faraghat

dariya se khushk guzre maston ki tishna kami