حال ومقام

دل زندہ و بیدار اگر ہو تو بتدریج

بندے کو عطا کرتے ہیں چشمِ نِگَراں اور

احوال و مقامات پہ موقوف ہے سب کچھ

ہر لحظہ ہے سالک کا زماں اور مکاں اور

الفاظ و معانی میں تفاوت نہیں لیکن

مُلّا کی اذاں اور، مجاہد کی اذاں اور

پرواز ہے دونوں کی اسی ایک فضا میں

کرگس کا جہاں اور ہے، شاہیں کا جہاں اور

dil zinda-o-bedar agar ho to batadrij

bande ko ata karte hain chashm-e-nigaran aur

ahwal-o-maqamat pe mauquf hai sab kuchh

har lahza hai salik ka zaman aur makan aur

alfaz-o-maani mein tafawut nahin lekin

mulla ki azan aur, mujahid ki azan aur

parwaz hai donon ki usi ek faza mein

kargas ka jahan aur hai, shahin ka jahan aur