گرج رہا ہے سیہ مست پیل پیکر ابر
تصدق حسین خالدگرج رہا ہے سیہ مست پیل پیکر ابر
اداس کوہ کی چوٹی پہ ایک تنہا پیڑ
اٹھا رہا ہے سوئے آسماں وہ تنہا شاخ
سرک رہی ہے ابھی جس میں زندگی کی نمی
بڑھا ہو جیسے کسی بے نوا کا بیکس ہاتھ
ہجوم یاس میں اک آخری دعا کے لیے
برس محیط کرم ایک بار اور برس
بس ایک بار مجھے اور پھول لانے دے
تڑپ رہا ہے ابھی مجھ میں ساز و برگ نمو
یہ میری کلیاں یہ پتے ابھی تو زندگی ہوں
اتر اتر مرے دامن پہ پھول برسا دے
مچل کے ابر کے پردوں سے بے حجاب آیا
دعائے نیم شبی کا مگر جواب آیا
شرار برق کا ہیجان
پیڑ طور بدست
ز فرق تا بہ قدم ایک پھول
حسن قبول
garaj raha hai siyah mast pil paikar-e-abr
udas koh ki choti pe ek tanha per
utha raha hai su-e-asman wo tanha shakh
sarak rahi hai abhi jis mein zindagi ki nami
barha ho jaise kisi be nawa ka bekas hath
hujum-e-yas mein ik akhiri dua ke liye
baras muhit-e-karam ek bar aur baras
bas ek bar mujhe aur phul lane de
tarap raha hai abhi mujh mein saz-o-barg-e-numu
ye meri kaliyan ye patte abhi to zindagi hun
utar utar mire daman pe phul barsa de
machal ke abr ke pardon se be hijab aya
dua-e-nim shabi ka magar jawab aya
sharar barq ka haijan
per tur badast
ze farq ta ba qadam ek phul
husn-e-qubul