حرم میں مدتوں ڈھونڈا شوالوں میں پھرا برسوں

حرم میں مدتوں ڈھونڈا شوالوں میں پھرا برسوں

تلاش یار میں بھٹکا کیا میں بارہا برسوں

مہینوں ہاتھ جوڑے کی خوشامد بارہا برسوں

انہیں جھگڑوں میں مجھ کو ہو گئے اے بے وفا برسوں

معاذ اللہ اس آزردگی کا کیا ٹھکانہ ہے

جو پوچھا یار سے کب تک نہ بولو گے کہا برسوں

غنیمت جان جو دن زندگی کے عیش میں گزریں

کسی کا بھی نہیں رہتا زمانہ ایک سا برسوں

وہی خون شہید ناز اب برباد ہوتا ہے

رہا بن کر جو تیرے ہاتھ میں رنگ حنا برسوں

ہماری بے قراری کا ذرا تم کو نہ دھیان آیا

مہینوں منتظر رکھا دکھایا راستا برسوں

زمانے میں ہمیشہ ہر مہینے چاند ہوتا ہے

ترا جلوہ نظر آتا نہیں اے مہ لقا برسوں

وہیں پر لے چلی بے تابئ دل واہ ری قسمت

پھرا کی سر پٹکتی جس جگہ میری دعا برسوں

ادا ہو شکر کیوں کر بے کسی و نا امیدی کا

رہی ہیں ساتھ فرقت میں یہی دو آشنا برسوں

نہ آیا ایک دن بھی وہ بت بے رحم اے جوہرؔ

اٹھا کر ہاتھ کعبے کی طرف مانگی دعا برسوں

haram mein muddaton dhunda shawwalon mein phira barson

talash-e-yar mein bhatka kiya main barha barson

mahinon hath jore ki khushamad barha barson

unhen jhagron mein mujh ko ho gae ai be wafa barson

maaz allah is azurdagi ka kya thikana hai

jo puchha yar se kab tak na bologe kaha barson

ghanimat jan jo din zindagi ke aish mein guzren

kisi ka bhi nahin rahta zamana ek sa barson

wahi khun-e-shahid-e-naz ab barbad hota hai

raha ban kar jo tere hath mein rang-e-hina barson

hamari be qarari ka zara tum ko na dhyan aya

mahinon muntazir rakha dikhaya rasta barson

zamane mein hamesha har mahine chand hota hai

tira jalwa nazar ata nahin ai mah liqa barson

wahin par le chali be tabi-e-dil wah ri qismat

phira ki sar patakti jis jagah meri dua barson

ada ho shukr kyun kar be kisi-o-na ummidi ka

rahi hain sath furqat mein yahi do ashna barson

na aya ek din bhi wo but-e-be rahm ai jauhar

utha kar hath kaabe ki taraf mangi dua barson