حسن بے پردہ کی گرمی سے کلیجہ پکا

حسن بے پردہ کی گرمی سے کلیجہ پکا

تیغ کی آنچ سے گھر میں مرے کھانا پکا

جنس دل لے کے نہ جاؤں میں کسی اور کے پاس

آپ بیعانہ اگر دیجئے پکا پکا

ہر طرح ہاتھ اٹھانا ہے جہاں سے مشکل

بیٹھ رہنے کو بھی گھر چاہئے کچا پکا

ہے وہ شاعر جو پڑھے بزم سخن میں اشعار

معتبر ہے جو کچہری میں ہو چہرہ پکا

خام طبعی سے تمہارے ہے بہت تنگ اسیرؔ

کیجیئے وصل کا اقرار تو پکا پکا

husn-e-be parda ki garmi se kaleja paka

tegh ki anch se ghar mein mire khana paka

jins-e-dil le ke na jaun main kisi aur ke pas

ap baiana agar dijiye paka paka

har tarah hath uthana hai jahan se mushkil

baith rahne ko bhi ghar chahiye kachcha paka

hai wo shayar jo parhe bazm-e-sukhan mein ashar

motabar hai jo kachahri mein ho chehra paka

kham tabai se tumhare hai bahut tang asir

kijie wasl ka iqrar to paka paka