حضرت دل جو کسی مس کے حوالے ہوتے

حضرت دل جو کسی مس کے حوالے ہوتے

جتنے گورے ہیں مقرر مرے سالے ہوتے

گھر سے باہر جو قدم تم نے نکالے ہوتے

جمع دس بیس ابھی چاہنے والے ہوتے

دشت الفت میں جو موٹر کی سواری ہوتی

غیر ممکن تھا مرے پاؤں میں چھالے ہوتے

رشتہ الفت کا کسی طرح نہ قائم ہوتا

میں نے ڈورے نہ اگر آپ پہ ڈالے ہوتے

لالہ صاحب نے شب وصل یہ مہری سے کہا

تو نہ آتی تو مری جان کے لالے ہوتے

قیس تو تیشہ زنی کرتا جو مثل فرہاد

پاؤں کی طرح ترے ہاتھ میں چھالے ہوتے

دسترس ہوتا ہمارا جو سن کمسن پر

پاؤں باہر نہ کلیسا کے نکالے ہوتے

شیخ اس رنگ سے بدمست ہوئے پی کے شراب

گر ہی پڑتے جو انہیں ہم نہ سنبھالے ہوتے

hazrat-e-dil jo kisi mis ke hawale hote

jitne gore hain muqarrar mire sale hote

ghar se bahar jo qadam tum ne nikale hote

jama das bis abhi chahne wale hote

dasht-e-ulfat mein jo motar ki sawari hoti

ghair mumkin tha mire paon mein chhale hote

rishta ulfat ka kisi tarah na qaim hota

main ne dore na agar ap pe dale hote

lala sahab ne shab-e-wasl ye mehri se kaha

tu na ati to miri jan ke lale hote

qais to tesha zani karta jo misl-e-farhad

paon ki tarah tire hath mein chhale hote

dastaras hota hamara jo sun kamsin par

paon bahar na kalisa ke nikale hote

shaikh is rang se badmast hue pi ke sharab

gar hi parte jo unhen ham na sambhale hote