آؤ بے پردہ تمہیں جلوۂ پنہاں کی قسم

آؤ بے پردہ تمہیں جلوۂ پنہاں کی قسم

ہم نہ چھیڑیں گے ہمیں زلف پریشاں کی قسم

چاک داماں کی قسم چاک گریباں کی قسم

ہنسنے والے تجھے اس حال پریشاں کی قسم

میرے ارمان سے واقف نہیں شرمائیں گے آپ

آپ کیوں کھاتے ہیں ناحق مرے ارماں کی قسم

نیند آئے نہ کبھی تجھ سے بچھڑ کر ظالم

اپنی آنکھوں کی قسم تیرے شبستاں کی قسم

لب جاناں پہ فدا عارض جاناں کے نثار

شام رنگیں کی قسم صبح درخشاں کی قسم

آج تک صبح وطن یاد ہے ہم کو اخترؔ

درد ہجراں کی قسم شام غریباں کی قسم

ao be parda tumhen jalwa-e-pinhan ki qasam

ham na chherenge hamen zulf-e-pareshan ki qasam

chak daman ki qasam chak-e-gareban ki qasam

hansne wale tujhe is hal-e-pareshan ki qasam

mere arman se waqif nahin sharmaenge ap

ap kyun khate hain nahaq mire arman ki qasam

nind ae na kabhi tujh se bichhar kar zalim

apni ankhon ki qasam tere shabistan ki qasam

lab janan pe fida ariz janan ke nisar

sham rangin ki qasam subh-e-darakhshan ki qasam

aj tak subh-e-watan yad hai ham ko akhtar

dard hijran ki qasam sham-e-ghariban ki qasam