حسن کی زبان سے

جہاں میں ہے ضیا مری میں حسن جلوہ کار ہوں

میں رونق اس چمن کی ہوں میں فصل نو بہار ہوں

میں زیب کائنات ہوں میں فخر روزگار ہوں

میں شاہد نہفتہ کا جمال آشکار ہوں

کہ آئینے میں دہر کے میں عکس کردگار ہوں

کلیم کو میں اپنا رخ نہ بے خطر دکھا سکا

سراغ میرے نور کا نہ کوہ طور پا سکا

نہ میں نظر میں آ سکا نہ عقل میں سما سکا

خیال میرے اوج پر نہ پر لگا کے جا سکا

میں حصن بے شکست ہوں میں راہ بے گزار ہوں

پڑی ہے اک خفیف سی نجوم پر کرن مری

کہ رکھتی ہے طواف میں سدا انہیں لگن مری

چھپی حجاب قدس میں ہے شمع انجمن مری

ستارے جل کے خاک ہوں جو دیکھ لیں پھبن مری

میں گنج آب و تاب ہوں میں بحر نور و نار ہوں

یہ چاندنی کی ٹھنڈکیں یہ دھوپ کی حرارتیں

یہ صبح کی صباحتیں یہ شام کی ملاحتیں

زمین کی یہ زینتیں فلک کی یہ لطافتیں

یہ بجلیوں کی شوخیاں یہ بادلوں کی رنگتیں

یہ رنگ روپ ہیں مرے میں ان میں آشکار ہوں

ہر ایک شاخسار میں مجھی سے آب و رنگ ہے

پھپکتے ہیں درخت جو یہ میری ہی امنگ ہے

پھدکتے ہیں پرند سب مجھی سے یہ ترنگ ہے

کرشمے دیکھ کر مرے ہر ایک عقل دنگ ہے

ہیں کھیل نت نئے مرے میں وہ طلسم کار ہوں

گلوں کے رنگ رنگ سے عیاں ہیں جھلکیاں مری

چمن کے غنچے غنچے میں شمیم ہے نہاں مری

زباں پہ پتے پتے کی رواں ہے داستاں مری

سرنگ پود پود کی جڑوں میں ہے دواں مری

میں روح سبزہ زار ہوں میں نازش بہار ہوں

jahan mein hai ziya miri mein husn-e-jalwa kar hun

main raunaq is chaman ki hun main fasl-e-nau bahar hun

main zeb-e-kainat hun main fakhr-e-rozgar hun

main shahid-e-nihufta ka jamal ashkar hun

ke aine mein dahr ke main aks kirdagar hun

kalim ko main apna rukh na be khatar dikha saka

suragh mere nur ka na koh-e-tur pa saka

na main nazar mein a saka na aql mein sama saka

khayal mere auj par na par laga ke ja saka

main hisn be shikast hun main rah be guzar hun

pari hai ik khafif si nujum par kiran miri

ke rakhti hai tawaf mein sada unhen lagan miri

chhupi hijab qudus mein hai sham-e-anjuman miri

sitare jal ke khak hun jo dekh len phaban miri

main ganj-e-ab-o-tab hun main bahr nur-o-nar hun

ye chandni ki thandaken ye dhup ki hararaten

ye subh ki sabahaten ye sham ki malahaten

zamin ki ye zinaten falak ki ye latafaten

ye bijliyon ki shokhiyan ye badalon ki rangaten

ye rang rup hain mire mein un mein ashkar hun

har ek shakhsar mein mujhi se ab-o-rang hai

phpakte hain darakht jo ye meri hi umang hai

phudakte hain parind sab mujhi se ye tarang hai

karishme dekh kar mire har ek aql dang hai

hain khel nit nae mire mein wo tilism-e-kar hun

gulon ke rang rang se ayan hain jhalkiyan miri

chaman ke ghunche ghunche mein shamim hai nihan miri

zaban pe patte patte ki rawan hai dastan miri

surang paud paud ki jaron mein hai dawan miri

main ruh sabza zar hun main nazish-e-bahar hun