جلوہء حسن

جلوۂ حُسن کہ ہے جس سے تمنّا بے تاب

پالتا ہے جسے آغوشِ تخیّل میں شباب

ابَدی بنتا ہے یہ عالمِ فانی جس سے

ایک افسانۂ رنگیں ہے جوانی جس سے

جو سِکھاتا ہے ہمیں سر بہ گریباں ہونا

منظرِ عالمِ حاضر سے گُریزاں ہونا

دُور ہو جاتی ہے ادراک کی خامی جس سے

عقل کرتی ہے تاثّر کی غلامی جس سے

آہ! موجود بھی وہ حُسن کہیں ہے کہ نہیں

خاتَمِ دہر میں یا رب وہ نگیں ہے کہ نہیں

jalwa-e-husn ke hai jis se tamanna be tab

palta hai jise aghosh-e-takhayyul mein shabab

abadi banta hai ye alam-e-fani jis se

ek afsana-e-rangin hai jawani jis se

jo sikhata hai hamen sar ba gareban hona

manzar-e-alam-e-hazir se gurezan hona

dur ho jati hai idrak ki khami jis se

aql karti hai taassur ki ghulami jis se

ah! maujud bhi wo husn kahin hai ke nahin

khatam-e-dahr mein ya rab wo nagin hai ke nahin