تیرے در پہ جلوہ جو ہم دیکھتے ہیں

تیرے در پہ جلوہ جو ہم دیکھتے ہیں

خدا کی خدائی میں کم دیکھتے ہیں

جو ہم شب کو خواب عدم دیکھتے ہیں

تو ہر سمت سیر ارم دیکھتے ہیں

پس مرگ خلوت میں بیٹھے ہیں ایسے

نہ وہ دیکھتے ہیں نہ ہم دیکھتے ہیں

تمہاری سی صورت تمہاری سی سیرت

حسینوں کے جمگھٹ میں کم دیکھتے ہیں

نظر کی نظر سے ہے حسرت بھرا دل

نظر بھر کے ان کو نہ ہم دیکھتے ہیں

نہ مانوں گا جاگے کہیں رات بھر ہو

بھری نیند آنکھوں میں ہم دیکھتے ہیں

شب ہجر روتے گزرتی ہے شبنمؔ

فنا ہی فنا صبح دم دیکھتے ہیں

tere dar pe jalwa jo ham dekhte hain

khuda ki khudai mein kam dekhte hain

jo ham shab ko khwab-e-adam dekhte hain

to har samt sair-e-iram dekhte hain

pas-e-marg-e-khalwat mein baithe hain aise

na wo dekhte hain na ham dekhte hain

tumhari si surat tumhari si sirat

hasinon ke jamghat mein kam dekhte hain

nazar ki nazar se hai hasrat bhara dil

nazar bhar ke un ko na ham dekhte hain

na manunga jage kahin rat bhar ho

bhari nind ankhon mein ham dekhte hain

shab-e-hijr rote guzarti hai shabnam

fana hi fana subh dam dekhte hain