تیرے کوچے کی ہوا لگ گئی شاید اس کو

تیرے کوچے کی ہوا لگ گئی شاید اس کو

روز بے پر کی اڑاتا ہے کبوتر ہم سے

ہم سلیمان بنیں گے جو پری ہو گے تم

ہوش میں آؤ کہاں جاؤ گے اڑ کر ہم سے

گالیاں کون سنے جب نہ رہا کچھ مطلب

آج سے کیجئے گا بات سمجھ کر ہم سے

ہم کسی اور کو تاکیں گے تمہارے ہوتے

کیا کہا پھر تو کہو آنکھ ملا کر ہم سے

آپ ہو جائیں گے سیدھے کہیں دن ہوں سیدھے

وہ بھی ٹیڑھے ہیں جو ٹیڑھا ہے مقدر ہم سے

وہ بھی کیا دن تھے کہ جب رہتی تھیں نیچی نظریں

چار آنکھیں جو ہوئیں پھر گئے تیور ہم سے

tere kuche ki hawa lag gai shayad us ko

roz be par ki urata hai kabutar ham se

ham sulaiman banenge jo pari hoge tum

hosh mein ao kahan jaoge ur kar ham se

galiyan kaun sune jab na raha kuchh matlab

aj se kijiye ga bat samajh kar ham se

ham kisi aur ko takenge tumhare hote

kya kaha phir to kaho ankh mila kar ham se

ap ho jaenge sidhe kahin din hun sidhe

wo bhi terhe hain jo terha hai muqaddar ham se

wo bhi kya din the ke jab rahti thin nichi nazren

char ankhen jo huin phir gae tewar ham se