یہ میرے پاس جو چپ چاپ آئے بیٹھے ہیں

یہ میرے پاس جو چپ چاپ آئے بیٹھے ہیں

ہزار فتنۂ محشر اٹھائے بیٹھے ہیں

عدو سے بزم عدو میں لڑا رہے ہو نگاہ

نہیں خیال کہ اپنے پرائے بیٹھے ہیں

کہیں نہ ان کی نظر سے نظر کسی کی لڑے

وہ اس لحاظ سے آنکھیں جھکائے بیٹھے ہیں

کوئی حسیں نظر آیا یہ بے قرار ہوئے

جناب نوحؔ کو ہم آزمائے بیٹھے ہیں

ye mere pas jo chup chap ae baithe hain

hazar fitna-e-mahshar uthae baithe hain

adu se bazm-e-adu mein lara rahe ho nigah

nahin khayal ke apne parae baithe hain

kahin na un ki nazar se nazar kisi ki lare

wo is lihaz se ankhen jhukae baithe hain

koi hasin nazar aya ye be qarar hue

janab nuh ko ham azmae baithe hain