جاتے ہو تم جو روٹھ کے جاتے ہیں جی سے ہم

جاتے ہو تم جو روٹھ کے جاتے ہیں جی سے ہم

تم کیا خفا ہو خود ہیں خفا زندگی سے ہم

کچھ ایسے بدحواس ہیں دل کی لگی سے ہم

کہتے ہیں مدعائے دل مدعی سے ہم

بے زار ہو چکے ہیں بہت دل لگی سے ہم

بس ہو تو عمر بھر نہ ملیں اب کسی سے ہم

یہ جانتے تو شکوے نہ کرتے رقیب کے

کہتے ہیں تیری ضد سے ملیں گے اسی سے ہم

مجرم ہے کون دونوں میں انصاف کیجیے

چھپ چھپ کے آپ ملتے ہیں یا مدعی سے ہم

ہم اور چاہ غیر کی اللہ سے ڈرو

ملتے ہیں تم سے بھی تو تمہاری خوشی سے ہم

jate ho tum jo ruth ke jate hain ji se ham

tum kya khafa ho khud hain khafa zindagi se ham

kuchh aise badhawas hain dil ki lagi se ham

kahte hain muddaa-e-dil-e-muddai se ham

be zar ho chuke hain bahut dil lagi se ham

bas ho to umr bhar na milen ab kisi se ham

ye jante to shikwe na karte raqib ke

kahte hain teri zid se milenge usi se ham

mujrim hai kaun donon mein insaf kijiye

chhup chhup ke ap milte hain ya muddai se ham

ham aur chah ghair ki allah se daro

milte hain tum se bhi to tumhari khushi se ham