یہ پِیرانِ کلیسا و حرم، اے وائے مجبوری!

یہ پِیرانِ کلیسا و حرم، اے وائے مجبوری!

صِلہ ان کی کدوی کاوش کا ہے سینوں کی بے نوری

یقیں پیدا کر اے ناداں! یقیں سے ہاتھ آتی ہے

وہ درویشی، کہ جس کے سامنے جھُکتی ہے فغفوری

کبھی حیرت، کبھی مستی، کبھی آہِ سحَرگاہی

بدلتا ہے ہزاروں رنگ میرا دردِ مہجوری

حدِ ادراک سے باہر ہیں باتیں عشق و مستی کی

سمجھ میں اس قدر آیا کہ دل کی موت ہے، دُوری

وہ اپنے حُسن کی مستی سے ہیں مجبورِ پیدائی

مری آنکھوں کی بینائی میں ہیں اسبابِ مستوری

کوئی تقدیر کی منطق سمجھ سکتا نہیں ورنہ

نہ تھے ترکانِ عثمانی سے کم ترکانِ تیموری

فقیرانِ حرم کے ہاتھ اقبالؔ آگیا کیونکر

میّسر میر و سُلطاں کو نہیں شاہینِ کافوری

ye piran-e-kalisa-o-haram, ai wae majburi!

sila un ki kadwi kawish ka hai sinon ki be nuri

yaqin paida kar ai nadan! yaqin se hath ati hai

wo darweshi, ke jis ke samne jhukti hai faghfuri

kabhi hairat, kabhi masti, kabhi ah-e-sahargahi

badalta hai hazaron rang mera dard-e-mahjuri

had-e-idrak se bahar hain baten ishq-o-masti ki

samajh mein is qadar aya ke dil ki maut hai, duri

wo apne husn ki masti se hain majbur-e-paidai

miri ankhon ki binai mein hain asbab-e-masturi

koi taqdir ki mantiq samajh sakta nahin warna

na the turkan-e-usmani se kam turkan-e-timori

faqiran-e-haram ke hath iqbal agya kyunkar

muyassar mir-o-sultan ko nahin shahin-e-kafuri