یہ سب کہنے کی باتیں ہیں ہم ان کو چھوڑ بیٹھے ہیں

یہ سب کہنے کی باتیں ہیں ہم ان کو چھوڑ بیٹھے ہیں

جب آنکھیں چار ہوتی ہیں مروت آ ہی جاتی ہے

وہ اپنی شوخیوں سے کوئی اب تک باز آتے ہیں

ہمیشہ کچھ نہ کچھ دل میں شرارت آ ہی جاتی ہے

نہ الجھو طعنۂ دشمن پہ ایسا ہو ہی جاتا ہے

جہاں اخلاص ہوتا ہے شکایت آ ہی جاتی ہے

لیا جب نام الفت کا بدل جاتی ہے سیرت بھی

نگاہ شرم آگیں میں شرارت آ ہی جاتی ہے

کبھی چتون سے ان بن ہے کبھی سودا ہے گیسو کا

نصیبوں کی یہ شامت ہے کہ شامت آ ہی جاتی ہے

ہمیشہ عہد ہوتے ہیں نہیں ملنے کے اب ان سے

وہ جب آ کر لپٹتے ہیں محبت آ ہی جاتی ہے

کہیں آرام سے دو دن فلک رہنے نہیں دیتا

ہمیشہ اک نہ اک سر پر مصیبت آ ہی جاتی ہے

حساب دوستاں در دل تقاضا ہے محبت کا

مثل مشہور ہے الفت سے الفت آ ہی جاتی ہے

ye sab kahne ki baten hain ham un ko chhor baithe hain

jab ankhen char hoti hain murawwat a hi jati hai

wo apni shokhiyon se koi ab tak baz ate hain

hamesha kuchh na kuchh dil mein shararat a hi jati hai

na uljho taana-e-dushman pe aisa ho hi jata hai

jahan ikhlas hota hai shikayat a hi jati hai

liya jab nam ulfat ka badal jati hai sirat bhi

nigah-e-sharm agin mein shararat a hi jati hai

kabhi chitwan se an ban hai kabhi sauda hai gesu ka

nasibon ki ye shamat hai ke shamat a hi jati hai

hamesha ahd hote hain nahin milne ke ab un se

wo jab a kar lipatte hain mohabbat a hi jati hai

kahin aram se do din falak rahne nahin deta

hamesha ik na ik sar par musibat a hi jati hai

hisab-e-dostan dar dil taqaza hai mohabbat ka

misl-e-mashhur hai ulfat se ulfat a hi jati hai