یہ جو ہے حکم مرے پاس نہ آئے کوئی

یہ جو ہے حکم مرے پاس نہ آئے کوئی

اس لیے روٹھ رہے ہیں کہ منائے کوئی

تاک میں ہے نگہ شوق خدا خیر کرے

سامنے سے مرے بچتا ہوا جائے کوئی

وعدہ وصل اسے جان کے خوش ہو جاؤں

وقت رخصت بھی اگر ہاتھ ملائے کوئی

سرد مہری سے زمانے کی ہوا ہے دل سرد

رکھ کر اس چیز کو کیا آگ لگائے کوئی

آپ نے داغؔ کو منہ بھی نہ لگایا افسوس

اس کو رکھتا تھا کلیجہ سے لگائے کوئی

ye jo hai hukm mire pas na ae koi

is liye ruth rahe hain ke manae koi

tak mein hai nigah-e-shauq khuda khair kare

samne se mire bachta hua jae koi

waada wasl use jan ke khush ho jaun

waqt-e-rukhsat bhi agar hath milae koi

sard mehri se zamane ki hawa hai dil-e-sard

rakh kar is chiz ko kya ag lagae koi

ap ne dagh ko munh bhi na lagaya afsos

us ko rakhta tha kaleja se lagae koi