تم چمن زاد ہو فطرت کے قریں رہتے ہو
تصدق حسین خالدتم چمن زاد ہو فطرت کے قریں رہتے ہو
دل یہ کہتا ہے کہ تم محرم اسرار بھی ہو
تمہیں فطرت کی بہاروں کی قسم
یہ تماشا گہ عالم کیا ہے
نور خورشید کا جاں سوز جہاں تاب جمال
آسمانوں پہ ستاروں کا سبک کام خرام
یہ گرجتے ہوئے بادل
یہ سمندر کا خروش
یہ پرندوں کے سہانے نغمے
کہیں بڑھتی ہوئی عظمت کہیں لٹتا ہوا حسن
بے سبب بخل فراواں بخشی
قحط آلام مصائب کے پہاڑ
عیش کے خسروی و طنطنۂ فغفوری
کہیں پرویز کے حیلے کہیں چنگیز کے ظلم
کہیں شبیری و ابراہیمی
راز ہی راز ہے حیرت کدۂ بزم نمود
تم چمن زاد ہو فطرت کے قریں رہتے ہو
یہ تماشا گہ عالم کیا ہے
نور مہتاب کی چادر لے کر
گھاس سوتی ہی رہی
پھول لب بند رہے
پیڑ رہے محو سکوت
تند رو باد شمالی کا تریڑا آیا
پھول تیورا سے گئے
پیڑ ہوئے سر بہ سجود
گھاس نے چادر مہتاب میں کروٹ بدلی
یہ تماشا گہ عالم کیا ہے
tum chaman zad ho fitrat ke qarin rahte ho
dil ye kahta hai ke tum mahram-e-asrar bhi ho
tumhen fitrat ki baharon ki qasam
ye tamasha gah-e-alam kya hai
nur-e-khurshid ka jan soz-e-jahan tab-e-jamal
asmanon pe sitaron ka subuk kam khiram
ye garajte hue badal
ye samundar ka kharosh
ye parindon ke suhane naghme
kahin barhti hui azmat kahin lutta hua husn
be sabab bukhl-e-farawan bakhshi
qaht-e-alam masaib ke pahar
aish ke khusrawi-o-tantana-e-faghfuri
kahin parwez ke hile kahin changez ke zulm
kahin shabbiri-o-ibrahimi
raz hi raz hai hairat kada-e-bazm-e-numud
tum chaman zad ho fitrat ke qarin rahte ho
ye tamasha gah-e-alam kya hai
nur-e-mahtab ki chadar le kar
ghas soti hi rahi
phul lab band rahe
per rahe mahw-e-sukut
tund ro bad-e-shumali ka tarera aya
phul tewra se gae
per hue sar ba sujud
ghas ne chadar-e-mahtab mein karwat badli
ye tamasha gah-e-alam kya hai