روندتے جاؤ گزر گاہوں کو
تصدق حسین خالدروندتے جاؤ گزر گاہوں کو
سر اٹھائے ہوئے
سینہ تانے
کانپ جائیں در و دیوار
قدم یوں اٹھیں
دھڑکنیں دل کی بنیں بانگ رحیل
یہ بغاوت ہے
بغاوت ہی سہی
ہم نے انجام وفا دیکھ لیا
خس و خاشاک بہاتا ہوا اپنا سیلاب
اب جو اٹھا ہے تو بڑھتا ہی چلا جائے گا
یہ زر و سیم کے تودوں سے نہیں رک سکتا
گولیاں
کس کو ڈراتے ہو
یہ ڈس سکتی ہیں
ڈس جانے دو
بے نوا سست قدم واماندہ
سال آتے تھے چلے جاتے تھے
وقت کے دامن خوش رنگ پہ کالے دھبے
خشک لب ہانپتے بے بس ایام
راہ کے بیچ میں الجھے ہوئے رہ جاتے تھے سستانے کو
گھبرائے ہوئے
اب تو ہر سانس دہکتا ہوا انگارہ ہے
دل کہ برفاب تھے اب آتش سیال کا فوارہ ہیں
برق رفتار ہے وقت
اور ہم وقف سے دو چار قدم آگے ہیں
چیخ اٹھیں قرنائیں
جھانجھ بجیں
دھوم ہو نقاروں کی
مسکراتے ہوئے گاتے ہوئے بڑھتے جاؤ
پھینکتے ہیں ہمیں تاروں پہ کمند
خیمہ زن ہونا ہے مریخ کے میدانوں میں
rondate jao guzar gahon ko
sar uthae hue
sina tane
kanp jaen dar-o-diwar
qadam yun uthen
dharkanen dil ki banen bang-e-rahil
ye baghawat hai
baghawat hi sahi
ham ne anjam-e-wafa dekh liya
khas-o-khashak bahata hua apna sailab
ab jo utha hai to barhta hi chala jaega
ye zar-o-sim ke taudon se nahin ruk sakta
goliyan
kis ko darate ho
ye das sakti hain
das jane do
be nawa sust qadam wamanda
sal ate the chale jate the
waqt ke daman khush rang pe kale dhabbe
khushk lab hanpte be bas ayyam
rah ke bich mein uljhe hue rah jate the sustane ko
ghabrae hue
ab to har sans dahakta hua angara hai
dil ke barfab the ab atish sayyal ka fawwara hain
barq raftar hai waqt
aur ham waqf se do char qadam age hain
chikh uthen qarnaen
jhanjh bajen
dhum ho naqqaron ki
muskurate hue gate hue barhte jao
phenkte hain hamen taron pe kamand
khema zan hona hai mirrikh ke maidanon mein