یہ آنکھیں کھلیں جب سے کیا کیا نہ دیکھا

یہ آنکھیں کھلیں جب سے کیا کیا نہ دیکھا

مگر دیکھنا جس کو چاہا نہ دیکھا

یہ تنہائ دشت غربت کی حد ہے

کبھی دھوپ میں اپنا سایا نہ دیکھا

بتوں کی جگہ اور عاشق کے دل میں

یہی سنگ و شیشہ میں یارا نہ دیکھا

اگر دید سے کام ہی کچھ نہ نکلا

تو کیا فائدہ جیسے دیکھا نہ دیکھا

لہو سے بھری اپنی چٹکی تو دھوئی

مگر تم نے میرا کلیجا نہ دیکھا

برا مان جاتیں وہ بیمار آنکھیں

یہ اچھا ہوا تجھ کو اچھا نہ دیکھا

مری چشم پر آب اب تم نے دیکھی

نہ کہنا کہ کوزے میں دریا نہ دیکھا

یہاں دیر میں کی زیارت بتوں کی

وہاں کچھ حرم میں نہ پایا نہ دیکھا

ye ankhen khulen jab se kya kya na dekha

magar dekhna jis ko chaha na dekha

ye tanai-e-dasht-e-ghurbat ki had hai

kabhi dhup mein apna saya na dekha

buton ki jagah aur ashiq ke dil mein

yahi sang-o-shisha mein yara na dekha

agar did se kam hi kuchh na nikla

to kya faida jaise dekha na dekha

lahu se bhari apni chutki to dhoi

magar tum ne mera kaleja na dekha

bura man jatin wo bimar ankhen

ye achchha hua tujh ko achchha na dekha

miri chashm par ab ab tum ne dekhi

na kahna ke kuze mein dariya na dekha

yahan der mein ki ziyarat buton ki

wahan kuchh haram mein na paya na dekha