یہ جو گل رو نگار ہنستے ہیں

یہ جو گل رو نگار ہنستے ہیں

فتنہ گر ہیں ہزار ہنستے ہیں

عرض بوسے کی سچ نہ جانو تم

ہم تو اے گلعذار ہنستے ہیں

دل کو دے مفت ہنستے ہیں ہم یوں

جس طرح شرمسار ہنستے ہیں

ہم جو کرتے ہیں عشق پیری میں

خوبرو بار بار ہنستے ہیں

جو قدیمی ہیں یار دوست نظیرؔ

وہ بھی بے اختیار ہنستے ہیں

ye jo gul ru nigar hanste hain

fitna gar hain hazar hanste hain

arz bose ki sach na jano tum

ham to ai gulizar hanste hain

dil ko de muft hanste hain ham yun

jis tarah sharmsar hanste hain

ham jo karte hain ishq piri mein

khubru bar bar hanste hain

jo qadimi hain yar dost nazir

wo bhi be ikhtiyar hanste hain