یوں نہ میری بات مانی جائے گی
نوح ناروییوں نہ میری بات مانی جائے گی
خوب جانچی خوب چھانی جائے گی
آتے آتے راہ پر وہ آئیں گے
جاتے جاتے بد گمانی جائے گی
ان سے ہم کہہ دیں گے اپنے دل کی بات
اور کیا ہوگا نہ مانی جائے گی
آج ہی تو ہم نے پی برسوں کے بعد
آج ہی کیا سرگرانی جائے گی
یہ ہمیں اے نوحؔ کیا معلوم تھا
جلد دیوانی جوانی جائے گی
yun na meri bat mani jaegi
khub janchi khub chhani jaegi
ate ate rah par wo aenge
jate jate bad gumani jaegi
un se ham kah denge apne dil ki bat
aur kya hoga na mani jaegi
aj hi to ham ne pi barson ke baad
aj hi kya sargirani jaegi
ye hamen ai nuh kya maalum tha
jald diwani jawani jaegi