یوں دل ہے سر بہ سجدہ کسی کے حضور میں

یوں دل ہے سر بہ سجدہ کسی کے حضور میں

جیسے کہ غوطہ زن ہو کوئی بحر نور میں

ہنس ہنس کے کہہ رہی ہے چمن کی کلی کلی

آتا ہے لطف حسن کو اپنے ظہور میں

ساقی نگاہ مست سے دیتا ہے جب کبھی

لگتے ہیں چار چاند ہمارے سرور میں

کھائیں جناب شیخ فریب قیاس و وہم

یہ کیف جاں نواز کہاں چشم حور میں

مثل کلیم کون سنے لن ترانیاں

میرے لیے کشش ہی کہاں کوہ طور میں

بیش از دو حرف اپنی نہیں داستان درد

ہم گر کے آسمان سے اٹکے کھجور میں

یہ شوخیاں کلام میں یوں ہی نہیں امیںؔ

پڑھنے چلے ہیں آپ غزل رامپور میں

yun dil hai sar ba sajda kisi ke huzur mein

jaise ke ghauta zan ho koi bahr nur mein

hans hans ke kah rahi hai chaman ki kali kali

ata hai lutf-e-husn ko apne zuhur mein

saqi nigah-e-mast se deta hai jab kabhi

lagte hain char chand hamare surur mein

khaen janab-e-shaikh fareb-e-qayas-o-wahm

ye kaif-e-jan nawaz kahan chashm-e-hur mein

misl-e-kalim kaun sune lan taraniyan

mere liye kashish hi kahan koh-e-tur mein

besh az do harf apni nahin dastan-e-dard

ham gir ke asman se atke khajur mein

ye shokhiyan kalam mein yun hi nahin amin

parhne chale hain ap ghazal rampor mein