یاد آؤ مجھے للہ نہ تم یاد کرو

یاد آؤ مجھے للہ نہ تم یاد کرو

اپنی اور میری جوانی کو نہ برباد کرو

شرم رونے بھی نہ دے بیکلی سونے بھی نہ دے

اس طرح تو مری راتوں کو نہ برباد کرو

حد ہے پینے کی کہ خود پیر مغاں کہتا ہے

اس بری طرح جوانی کو نہ برباد کرو

یاد آتے ہو بہت دل سے بھلانے والو

تم ہمیں یاد کرو تم ہمیں کیوں یاد کرو

آسماں رتبہ محل اپنے بنانے والو

دل کا اجڑا ہوا گھر بھی کوئی آباد کرو

ہم کبھی آئیں ترے گھر مگر آئیں گے ضرور

تم نے یہ وعدہ کیا تھا کہ نہیں یاد کرو

چاندنی رات میں گل گشت کو جب جاتے تھے

آہ عذرا کبھی اس وقت کو بھی یاد کرو

میں بھی شائستۂ الطاف ستم ہوں شاید

میرے ہوتے ہوئے کیوں غیر پہ بیداد کرو

صدقے اس شوخ کے اخترؔ یہ لکھا ہے جس نے

عشق میں اپنی جوانی کو نہ برباد کرو

yad ao mujhe lillah na tum yad karo

apni aur meri jawani ko na barbad karo

sharm rone bhi na de bekali sone bhi na de

is tarah to miri raton ko na barbad karo

had hai pine ki ke khud pir-e-mughan kahta hai

is buri tarah jawani ko na barbad karo

yad ate ho bahut dil se bhulane walo

tum hamen yad karo tum hamen kyun yad karo

asman rutba mahal apne banane walo

dil ka ujra hua ghar bhi koi abad karo

ham kabhi aen tire ghar magar aenge zarur

tum ne ye waada kiya tha ke nahin yad karo

chandni rat mein gul gasht ko jab jate the

ah azra kabhi is waqt ko bhi yad karo

main bhi shaista-e-altaf-e-sitam hun shayad

mere hote hue kyun ghair pe bedad karo

sadqe us shokh ke akhtar ye likha hai jis ne

ishq main apni jawani ko na barbad karo