یاد ہیں سارے وہ عیشِ با فراغت کے مزے

یاد ہیں سارے وہ عیشِ با فراغت کے مزے

دل ابھی بھولا نہیں، آغازِ الفت کے مزے

وہ سراپا ناز تھا ،بے گانۂ رسمِ جفا

اور مجھے حاصل تھے لطفِ بے نہایت کے مزے

حسن سے اپنے وہ غافل تھا، میں اپنے عشق سے

اب کہاں سے لاؤں وہ نا واقفیت کے مزے

میری جانب سے نگاہِ شوق کی گُستاخیاں

یار کی جانب سے آغازِ شرارت کے مزے

یاد ہیں وہ حسن و الفت کی نرالی شوخیاں

التماسِ عذر و تمہیدِ شکایت کے مزے

صحتیں لاکھوں مری بیماریِ غم پر نثار

جس میں اٹھے بار ہا ان کی عیادت کے مزے

yad hain sare wo aish-e-ba faraghat ke maze

dil abhi bhula nahin, aghaz-e-ulfat ke maze

wo sarapa naz tha,be gana-e-rasm-e-jafa

aur mujhe hasil the lutf-e-be nihayat ke maze

husn se apne wo ghafil tha, main apne ishq se

ab kahan se laun wo na waqifiyat ke maze

meri janib se nigah-e-shauq ki gustakhiyan

yar ki janib se aghaz-e-shararat ke maze

yad hain wo husn-o-ulfat ki nirali shokhiyan

iltimas-e-uzr-o-tamhid-e-shikayat ke maze

sehhaten lakhon miri bimari-e-gham par nisar

jis mein uthe bar ha un ki ayadat ke maze